કૃષ્ણપ્રેમની ગંગા
ક્યારે શરૂ થઈ તે કોઈ ન કહી શકે અને ક્યાં સુધી ચાલશે તે પણ કોઈ કહી નહીં શકે. તે
તો આદિ અને અનંત છે, પરંતુ અહીં શુકદેવથી પ્રારંભ થાય છે અને મૂર્તિના હૃદયના ધબકારા
સુધી ચાલે છે. તદાનુસાર અહીં પ્રાચીનકાળ, મધ્યકાળ અને વર્તમાનકાળ – એમ ત્રણેય
કાળના પ્રેમગંગાપ્રવાહને સ્થાન મળે છે. અહીં શુકદેવજી, ઉદ્ધવજી અને અર્જુનજી જેવા
જગપ્રસિદ્ધ પ્રેમીઓની પ્રેમગંગા તો છે જ, પરંતુ સાથે સાથે અહીં જેમને કોઈ જાણતા
નથી એવા સાવ અણધાર્યા ખૂણામાં સંતાઈને બેઠેલાં પ્રેમીજનોની પ્રેમગંગા પણ છે. પ્રેમ
તો પ્રેમ જ છે. તે સર્વ-તંત્ર-સર્વત્ર છે. પ્રેમ કોઈના માર્ગદર્શન પ્રમાણે ચાલતો
નથી.